Væl út af leyfum...

Það er svo fyndið hve margir væla yfir því að þessi akstur sé bundin í leyfi o.s.f.v. Málið er að það er ekki heiglum hent að reka leigubíl, menn sem t.d. ætla að standa í því og framfleyta fjölskyldu með gera það ekki öðruvísi en að vinna svona 70 til 80 stunda vinnuviku. Vinna þá á nóttinni um helgar við að keyra annað fólk sem þá getur leyft sér að vera úti að skemmta sér.  Staðreyndin er sú að ef allur kostnaður af því að reka eitt stykki svona leigubíl er tekinn til þá hleypur það á hundruðum þúsunda á mánuði og þá er eftir að vinna sér inn laun. 

 Ef þetta verður gefið frjáls þá byrjar þetta sem ein allsherjar vitleysa þar sem alls konar menn koma með misgóða bíla inn í þetta og í framhaldið verða til svipuð fyrirtæki og t.d. í bandaríkjunum þar sem eitt fyrirtæki á bílana, ræður ódýrt vinnuafl til að keyra, gangi ykkur þá vel að eiga samskipti við bílstjórana því stór hluti þeirra verður þá kláralega hvorki mælandi á Íslensku eða Ensku.

Svo er þá spurning fyrir alla aðra leigubílsjóra að beina sínum verslunarferðum í Smáralind, fara með alla túrista sem vilja fara í "mall" í Smáralindina og fella þá kringluna á eigin bragði.

NL annist ein akstur gesta Kringlunnar

Athugasemdir

[Ragnheiður , 29.10.2007 kl. 11:39]

Sæll

Það má líka gúggla sorttaxi eða hvað .þeir hétu þarna í svíþjóð. Svíar sneru snarlega frá því að gefa þetta frjálst eftir að fólk var rænt og myrt og nauðgað í leigubílum þarlendis. Það er samt sjaldgæft að sjá almennan borgara skilja þennan málaflokk, ég fagna því. Í dag erum við sliguð af reglum, misgáfulegum en sumum nauðsynlegum. Við þurfum að skila sakavottorðum. Með okkur er fylgst með hagsmuni farþeganna í huga.´

Ég gæti talið upp marga kostnaðarliði en læt vera að geta þess að tryggingin á leigubifreiðinni minni er 500 þúsund á ári.

[hardstjori (IP-tala skráð) 29.10.2007 kl. 19:37]

Loksins einhver sem getur tjáð sig um þetta af viti. Staðreyndin er nefninlega sú að rekstur leigubíls er ekkert alltof spennandi, vinnutíminn langur og erfiður. Mér reiknast til að fyrstu 300-350 þúsundin sem ég vinn inn á hverjum mánuði fari beint í kostnað. Við borgum stöðvargjöld, um 65000 pr mánuð á flestum stöðvum, tryggingar um 250 þúsund á ári (sorry Ragnheiður, annaðhvort ertu að ljúga eða láta hlunnfara þig), afborganir af bíl, dekk (2 til 3 gangar á ári), eldsneytisnotkun er amk 100 þús á mánuði, smurning (amk einu sinni í mánuði), leyfisgjöld til Vegagerðar, afföllin af bílunum eru hrikaleg (meðal leigubíll er keyrður 110-120.000 km á ári, þarf ekki miklar gáfur til að sjá að bíllinn er uþb 2 ár að verða verðlaus), við borgum eins og aðrir sjálfstæðir atvinnurekendur tryggingargjald, full 10% í lífeyrisjóð, að auki er tilfallandi viðhald, t.d. bremsuklossaskipti 6-7 sinnum á ári, þrif (ég fer með ein 50 þús á ári í þrifvörur einar saman) og svona má endalaust telja. Ég tel mig góðan ef ég á 300 þús eftir á mánuði eftir skatta. Og til að ná því erum við að tala um 70 tíma vinnuviku hið minnsta. Vinnuviku sem byggir ma á að keyra um helgarnætur með dauðadrukkna, útúrdópaða þegna þessarar borgar sem telja sig geta komið fram við okkur eins og þeim sýnist hverju sinni. Hnífar, hótanir, ofbeldi, dónaskapur, frekja og yfirgangur er það sem við búum við og reiknum með. Og allt þetta til að þið gott fólk getið farið út að borða, skemmta ykkur, sent barnapíurnar ykkar heim, skotist á pöbbann og horft á leikinn og allt hitt.

Gjörið svo vel, gefið draslið frjálst. Látið pólverjana, lettana og tælendingana skutla ykkur um bæinn á 93 árgerð af volvo eða lancer.  En þið skuluð þá byrja að kaupa orðabækurnar strax því það eina sem þið fáið útur þeim verður "mig ekki skilja" þegar þið viljið láta skutla ykkur á Grenimelinn eða Miðvanginn. Og ætli verði ekki annað hljóð í strokknum þegar dóttur ykkar, systur eða frænku verður nauðgað í aftursætinu hjá einhverjum af þessum ódýru bílstjórum, eða litli bróðir rændur á leið heim úr miðbænum.

 Verið viss, íslenskir leigubílstjórar eru fagmenn í fremstu röð. Það sjá og vita allir sem vilja og hafa tekið leigubíl erlendis hvort sem er í Köben eða Barcelona. En ef við leyfum mönnum eins og þeim sem standa á bak við NL að komast inná markaðinn verður fagmennskan einmitt það fyrsta sem fer. Og þá flyt ég til Svíþjóðar og keyri taxa þar....